ပါရာဒိုင်းအသစ် - အောင်ထွဋ်

မြန်မာနိုင်ငံသည် အသွင်ကူးပြောင်းရေး ဖြစ်စဉ်တစ်ရပ်ကို တိတိပပ ဖြတ်သန်းနေချိန် ဖြစ်ပါသည်။ အသွင်ကူးပြောင်းရေးဖြစ်စဉ်ကို ဖြတ်သန်းနေချိန်ဖြစ်၍ အခြေအနေအရပ်ရပ်ကို စပ်ကူးမတ်ကူး ပုံသဏ္ဌာန်ဖြင့် မြင်တွေ့ရသည်မှာ မဆန်းချေ။ ယခုကဲ့သို့သော အသွင်ကူးပြောင်းရေးဖြစ်စဉ်တွင် အခရာအကျဆုံး အပြောင်းအလဲမှာ Depoliticization ခေါ် အရာရာကို ခွင့်မပြုနိုင်သော နိုင်ငံရေးအဖြစ် ကောက်ယူမှု လျော့ပါးလာသည့် အခြေအနေဖြစ်သည်။ ဤကိစ္စသည် ပညာရှင်များက သတ်မှတ်ကြသည့် အသွင်ကူးပြောင်းရေး ဆိုသောဖြစ်စဉ်တွင် လိုအပ်ချက်ဖြစ်သည့် မှတ်တိုင် (Milestone)တစ်ခုလည်း ဖြစ်ပေသည်။

မြန်မာနိုင်ငံတွင် ယခင်က ဖြစ်ထွန်းခွင့်မရှိသော နိုင်ငံရေးပါတီများ၊ နိုင်ငံရေးလှုပ်ရှားမှုများ၊ နိုင်ငံရေးစကားများ၊ နိုင်ငံရေးသုံးသပ်ချက်များသည် ယခုအခါ တဖြည်းဖြည်း ဖြစ်ပေါ်လာနေသည်ကို တွေ့မြင်နေရပါသည်။ ဤမှတ်တိုင်များသည် Depoliticization မဖြစ်ဘဲ ပေါ်ထွန်းရန် အကြောင်းမရှိပါ။ ထို့ကြောင့် မြန်မာနိုင်ငံတွင် အသွင်ကူးပြောင်းရေးဖြစ်စဉ်နှင့် ၎င်း၏ အဆင့်တစ်ခုဖြစ်သော Depoliticization ဖြစ်စဉ်များ ပေါ်ပေါက်နေသည် ဆိုသောအချက်မှာ သေချာသည်ဟု ပြောနိုင်ပါသည်။

ဤနေရာတွင် ဆွေးနွေးရန်ရှိလာသည်မှာ Depoliticization ၏ အတိုင်းအဆဖြစ်သည်။ ယနေ့ ကြုံတွေ့နေရသည့် အခြေအနေအပေါ် သုံးသပ်ချက်အမျိုးမျိုးသည် Depoliticization ၏ အတိုင်းအဆအပေါ် နည်းသည်၊ များသည် စသော သုံးသပ်ချက်များ ဖြစ်ပေသည်။ များသောအားဖြင့် အဆိုပါ Depoliticization ကို ရရှိခံစားလိုသည့်ဘက်မှ (တစ်နည်းအားဖြင့်) Demand Side မှ သုံးသပ်ချက်များ ဖြစ်ပေသည်။

Supply Side ရှုထောင့်မှကြည့်လျှင် ယနေ့ဖြစ်ပေါ်နေသမျှ အခြေအနေအရပ်ရပ်သည် ယခင် Standard Operation Procedure အရ ခွင့်မပြုနိုင်သည့် ကိစ္စရပ်ဖြစ်ရာ ယခင် Mindset ဖြင့် ကြည့်လျှင် မည်သို့မျှ ခံစား၍ ရနိုင်ဖွယ်မရှိပါ။ Demand Side ပေတံဖြင့် နည်းသည်ဆိုသောကိစ္စသည် Supply Side ပေတံဖြင့် များသည်ဟု ယူဆဖွယ်ရှိရာ ကန့်သတ်ရန်ကြိုးစားသော အုပ်ချုပ်ရေးယန္တရား အစိတ်အပိုင်းများကိုလည်း တွေ့ရနိုင်ပေသည်။ ဤသည်မှာပင် အသွင်ကူးပြောင်းရေး၏ စရိုက်လက္ခဏာ ဖြစ်ပေတော့သည်။ အဓိကကျသော အချက်မှာ စိတ်ရှည်သည်းခံရေးပင် ဖြစ်ပေသည်။

စိတ်ရှည်သည်းခံရေးဆိုရာတွင် Demand Side ကသာလျှင် စိတ်ရှည်သည်းခံရသည်မဟုတ်ဘဲ Supply Side ကလည်း စိတ်ရှည်သည်းခံ ကြရသည်ပင် ဖြစ်ပေသည်။ အထူးသဖြင့် နိုင်ငံရေးခေါင်းဆောင် လုပ်ကြမည့်သူများသည် ဤအခြေအနေအပေါ်တွင် စိတ်ရှည်သည်းခံရန် အရေးကြီးပေသည်။

များစွာသေချာသည့်အချက်မှာ မြန်မာနိုင်ငံသည် နိုင်ငံရေးပါရာဒိုင်း အပြောင်းအလဲတစ်ခုနှင့် ကြုံကြိုက်နေရပြီဆိုသော အချက်ဖြစ်ပြီး ထိုပါရာဒိုင်းအသစ်ကို များစွာသောပြည်သူတို့ ရိပ်စားသိရှိခြင်း မရှိသေးဆိုသော အချက်ဖြစ်သည်။ ပါရာဒိုင်းအသစ်ဟု ရိပ်စားသိရှိသူ အများစုကလည်း ထိုပါရာဒိုင်းအသစ်၏ ပုံသဏ္ဌာန်ကို ခန့်မှန်းသိရှိနိုင်ခြင်း မရှိကြသေးသည့် အချက်ကို မြင်တွေ့နေရသည်။

အခြေခံဥပဒေသစ်သည် အချုပ်အခြာအာဏာများ အတွင်းသို့ အရပ်ဘက်နိုင်ငံရေး အင်အားစုများ ၀င်ရောက်ခွင့်ကို ဖွင့်လှစ်ပေးလိုက်ရာ အောက်ထစ်ဆုံး ဥပဒေပြုအာဏာထဲတွင် နိုင်ငံရေးအင်အားစုများ ရောက်ရှိသွားသည်ကို ၂၀၁၁ နှစ်ဆန်းချိန်၌ အသေအချာ မြင်တွေ့ရတော့မည် ဖြစ်သည်။ ဤသည်မှာ ပါရာဒိုင်းအသစ် ဖြစ်သည်။ ဂူထဲတွင် ခြင်္သေ့တစ်ကောင်ထက်ပို၍ အောင်းနိုင်သည်ဆိုသော သဘောကို မူအားဖြင့် သဘောတူထားသည်ကို အသေအချာ မြင်တွေ့နေရပြီ ဖြစ်သည်။

နိုင်ငံရေးသမားဆိုသည်မှာ လွှတ်တော်အစည်းအဝေး စတင်ချိန်တွင် ရုပ်သံ၌ သတင်းဖော်ပြခံရသော၊ လုံခြုံရေးများက တံခါးဖွင့်ပေးခြင်းကို ခံရသော၊ ဂုဏ်သရေရှိသော၊ အများအားကျသော လွှတ်တော် ကိုယ်စားလှယ်ကြီးများအဖြစ် မျက်ဝါးထင်ထင် မြင်တွေ့နေရချိန်တွင် ပါရာဒိုင်း ပြောင်းလဲသွားပြီဖြစ်ကြောင်း Supply Side ကော Demand Side ပါ နှစ်ဖက်စလုံးမှ လူအများ လက်ခံရသည့် ပါရာဒိုင်းအသစ် တစ်ရပ်အဖြစ် ပေါ်ပေါက်လာပေလိမ့်မည်။ ထိုနေ့သည် နောင်ဖြစ်ပေါ်မည့် Libralization နှင့် အရှိန်အဟုန်နှင့် စတင်တော့မည့် Depoliticization တို့၏ အစဖြစ်ပါလိမ့်မည်။

[The VOICE Weekly, အတွဲ-၆၊ အမှတ်-၃၇၊ သြဂုတ် ၁၆-၂၂၊ ၂၀၁၀ ခုနှစ်၊ စာမျက်နှာ-၁၈]

Read More...

Collapse...

အလွယ်ဖတ် ဖလော်ဆော်ဖီတချို့ရဲ့ ဒဿန

အံ့ဘုန်းမြတ် (၂၈၊ ဇွန် ၂၀၁၀)

ကျွန်တော် ဆောင်းပါးနဲ့ အတွေးအမြင်တွေ မရေးဖြစ်တာတော်တော်ကြာနေပြီ၊ မရေးဖြစ်ဆို စာလည်း ပြန်မဖတ်နိုင်အောင်ကို အလုပ်တွေများနေတာကြောင့်ပါ။ ဒီကနေ့တော့ စာရေးဖို့စဉ်းစားတော့ ကျွန်တော်တို့ လူငယ်တွေ ချက်တင်တွေထဲမှာ အပြန်အလှန် အများဆုံးပြောဖြစ်ကြတဲ့ အကြောင်းအရာတွေထဲက တချို့ကို စာချရေးဖို့ စိတ်ကူးရလာပါတယ်။ ဒါကတော့ စာတွေကို ကျွန်တော်တို့ထက် အများကြီးပိုဖတ်ထားတဲ့ သူတွေအတွက် မရည်ရွယ်ပဲ စာကျွန်တော်တို့လောက် ဖတ်မထားတဲ့ လူငယ်တွေအတွက် ရည်ရွယ်ပြီး တက်သလောက် မှတ်သလောက်နဲ့ “အလွယ်ဖတ် ဖလော်ဆော်ဖီတချို့ရဲ့ ဒဿန” ဆိုတဲ့ ခေါင်းစဉ်နဲ့ ရေးဖို့စိတ်ကူးရလိုက်ပါတယ်။ ဒီမှာတော့ ကျွန်တော်တို့ လူမှုပတ်ဝန်းကျင်မှာ နေ့စဉ်နဲ့အမျှ ထိတွေ့ဆက်ဆံ ပတ်သက် နေကြရတဲ့ သိပ္ပံဆိုင်ရာနည်းပညာတွေ၊ သမိုင်းဆိုင်ရာဖြစ်စဉ်နဲ့ အဖြစ်အပျက်တွေ၊ ပညာရေးစနစ်နဲ့ ပညာရေး ဆိုင်ရာ သဘောတရားတွေ စတဲ့စတဲ့အကြောင်းအရာတွေက ကျွန်တော်တို့ လူအဖွဲ့အစည်းနဲ့ ဘယ်လောက်အထိ ပတ်သက်ဆက်နွယ်မှုတွေရှိနေလဲ အပြန်အလှန် အကျိုးပြုနိုင်အောင် ဘယ်လိုလုပ်ကြလဲ ဆိုတာတွေကို မိတ်ဆက်အနေနဲ့ ပြန်လည်စဉ်းစားနိုင်ကြအောင် ရေးသားသွားမှာဖြစ်ပါတယ်။

၁။ သိပ္ပံဆိုင်ရာ ဖလော်ဆော်ဖီ ဒဿန

သိပ္ပံဆိုင်ရာ ဖလော်ဆော်ဖီ ဒဿနအကြောင်းပြောမယ်ဆိုရင် ပထမဆုံးအနေနဲ့ သိပ္ပံပညာရှင်နဲ့ သိပ္ပံပညာရှင်တွေရဲ့ လုပ်ဆောင်ချက်တွေအကြောင်းကို စပြောရမှာဖြစ်ပါတယ်။ တချို့ဒဿနကျမ်းတွေမှာတော့ သိပ္ပံပညာရှင်နဲ့ သိပ္ပံပညာ ရှင်တွေရဲ့ လုပ်ဆောင်ချက်တွေနဲ့ပတ်သက်ပြီး “သိပ္ပံပညာရှင်တွေဟာ သူတို့ကျွမ်းကျင်ပိုင်နိုင်တဲ့ ပညာရပ်တွေနဲ့ အကြောင်း အရာ၊ အချက်အလက်တွေကို အတွေ့အကြုံအာရုံတွေမှာ အခြေခံပြီး လက်တွေ့စမ်းသက် ပြုလုပ်ကြတယ်” လို့ ဆိုပါတယ်။ အဲ့ဒီလို လုပ်ဆောင်နိုင်မှ သိပ္ပံပညာလို့ ယူဆကြပါတယ်။ ဒါပေမယ့် သူတို့ဟာ သူတို့ရဲ့ ပညာရပ်အရ လုပ်ဆောင် ဖန်တီးမှုအသစ်တွေနဲ့ ပတ်သက်ပြီး နောက်ဆက်တွဲအကျိုးဆက်တွေနဲ့ပတ်သက်လာရင် အရာရာကို အာရုံနဲ့တိုက်ရိုက်ထိတွေ့ သိမြင်နိုင်မှုမှာတော့ အားနည်းချက် ရှိကြတယ်လို့လည်း သိပ္ပံပညာရှင်တွေကို ဒဿနပညာရှင်အချို့က ဝေဖန်ကြတာမျိုး တွေလည်းရှိပါတယ်။

ဒီနေရာမှာကျွန်တော်တို့အနေနဲ့ သိပ္ပံပညာရှင်တွေဟာ သူတို့ရဲ့ဖန်တီးမှုတွေနဲ့ပတ်သက်ပြီး နောက်ဆက်တွဲ အကျိုးဆက် တွေ ကို အာရုံသိနဲ့တိုက်ရိုက်သိမြင်နိုင်တဲ့ အရာတွေမှာ အားနည်းတယ်ဆိုတော့ အတွေးက တမျိုး ဖြစ်သွားနိုင်ပါတယ်။ ဥပမာအားဖြင့် နျူးကလီးယား သီအိုရီကို ထုတ်ဖော်ခဲ့တဲ့ အိုက်စတိုင်းဟာ သူရဲ့ ဖန်တီးမှုနဲ့ပတ်သက်ပြီး အကျိုးဆက် အဆိုးနဲ့အကောင်း တွဲလျှက်ရှိနေနိုင် မယ်ဆိုတာ အာရုံသိနဲ့ သိမယ်ဆိုပေမယ့် ဘယ်လောက်အထိ အကျိုးဆက် အဆိုးတွေရှိမယ်ဆိုတဲ့အပိုင်းတွေ မှာတော့ အားနည်းချက်တွေရှိနေနိုင်ပါတယ်။ တကယ်လို့သာ သူမှာ ဒီအချက်နဲ့ပတ်သက်ပြီး အားမနည်းခဲ့ဘူးဆိုရင် သူ နျူကလီးယားသီအိုရီကို ထုတ်ခဲ့တော့မှာ မဟုတ်ပါဘူး။ အဲ့ဒီလိုသာ သူ မထုတ်ခဲ့ဘူးဆိုရင် ကျွန်တော်တို့ လူ့အဖွဲ့အစည်း အတွက် ကောင်းကျိုးတွေဖြစ်တဲ့ နျူးကလီးယားစွမ်းအင်ကို ဆေးပညာမှာသုံးတာ၊ လျှပ်စစ်ဓာတ်အားမှာသုံးတာ ဒါမျိုးတွေကို ရရှိနိုင်ကြတော့မှာတော့ မဟုတ်ပါဘူး။ ဒါကြောင့် ဖလော်ဆော်ဖီကျမ်းရင်းတစ်ခုမှာတော့ “သိပ္ပံပညာရှင်တွေ ဟာ သူတို့ရဲ့စူးစမ်း လေ့လာချက်တွေကို လက်တွေ့စမ်းသပ်တာ မလုပ်ခင် ချင့်ချိန်တွေးဆဖို့ လိုအပ်ပြီး။ အဲ့ဒီလို တွေးဆတဲ့ နေရာမှာ ပြဿနာတွေပေါ်ပေါက်လာရင် ဒဿနပညာရှင်တွေက ဝေဖန်ချင့်ချိန်တွေးဆပြီး ကူညီဖြေရှင်း အဖြေရှာပေးကြ ရတယ်။” လို့ဆိုထားပါတယ်။ ဒါအပြင် ဒဿနပညာရှင်တွေအနေနဲ့ သိပ္ပံပညာရပ်တွေကို ဘယ်လို အသုံးပြုသင့်တယ်။ အသုံးပြုအပ်တယ်ဆိုတဲ့ အချက်ကိုလည်း လူ့အဖွဲ့အစည်းရဲ့ ပြဌာန်းချက်စံနှုန်းတွေချိန်ထိုးတွက်စပြီး ဘာသာရေး၊ နိုင်ငံရေး၊ သမိုင်း၊ အနုပညာ၊ ကိုယ်ကျင့်တရားစတဲ့ပညာရပ်တွေနဲ့ ဆက်စပ်ပုံဖော်ပေးတဲ့နေရာမှာလည်း ပါဝင်နေပါတယ်။

ဒီသဘောတရားတွေနဲ့ပတ်သက်ပြီး အလွယ်ပြောမယ်ဆိုရင် ကျွန်တော်တို့ဒီဘက်ခေတ်မှာ အိုင်တီနည်းပညာလို့ သိပ္ပံပညာတွေ နေစဉ်နဲ့အမျှ အသစ်အဆန်းတွေ ထွက်ရှိနေပါတယ်။ ဒါတွေကို ကျွန်တော်တို့ လူ့မှုအဖွဲ့အစည်းအတွင်း ဘယ်လို အသုံးပြုကြမလဲ။ အပေါ်မှာပြောခဲ့သလို သိပ္ပံပညာရှင်တွေ၊ အိုင်တီနည်းပညာရှင်တွေက သူတို့တာဝန်ကို သူတို့ကျေပွန်တဲ့ အနေနဲ့ နည်းပညာအသစ်အဆန်းတွေကို ထုတ်ဖော်နိုင်ခဲ့ကြတယ်ဆိုပေမယ့် အဲ့ဒီနည်းပညာတွေကို ကျွန်တော်တို့ လူငယ်တွေ ကိုယ်နဲ့သက်ဆိုင်တဲ့ ဘာသာရေး၊ နိုင်ငံရေး၊ သမိုင်း၊ ကိုယ်ကျင့်တရား၊ အနုပညာ၊ ရှိမှုသိမှုပညာ စတဲ့အရာတွေနဲ့ ဆက်စပ်ပြီး ဘယ်လိုပုံဖော်ကြမလဲ ဆိုတာ စဉ်းစားဖို့လိုလာပါပြီ။

၂။ သမိုင်းဆိုင်ရာ ဖလော်ဆော်ဖီ ဒဿန

သမိုင်းဆိုင်ရာ ဖလော်ဆော်ဖီ ဒဿနအကြောင်း ကျွန်တော်တို့ ပြောမယ်ဆိုရင်လည်း သမိုင်းပညာနဲ့ သမိုင်းပညာရှင်တွေ အကြောင်းက စပြောရမှာပါပဲဖြစ်ပါတယ်။ သမိုင်းနဲ့ သမိုင်းပညာရှင်ဆိုတဲ့အရာတွေကို ဒဿနရှု့ထောင်ကနေပြောရမယ်ဆိုရင် တော့ လူသားတွေနဲ့ပတ်သက်နွယ်နေတဲ့ ဖြစ်ပျက်ခဲ့ပြီးသမျှအကြောင်းအရာတွေကို အနာဂတ်လူ့ဘောင်အဖွဲ့အစည်းအတွက် သင်ခန်းစာအဖြစ်၊ အတွေ့အကြုံအဖြစ် ယူဆောင်လာတဲ့အရာလို့ အကြမ်းပြင် အဓိပ္ပါယ်ဖွင့်ဆိုလို့ရမယ်ထင်ပါတယ်။ သမိုင်းပညာရှင်ရဲ့ အခန်းကဏ္ဍကတော့ လူသားတွေရဲ့ အတိတ်က အဖြစ်အပျက်တွေကို ရှာဖွေဖော်ထုတ် ပေးဖို့တဲ့ တာဝန်ကို ယူထားကြတဲ့ ပုဂ္ဂိုလ်တွေဆိုရမှာဖြစ်ပါတယ်။ ဒီနေရာမှာ သမိုင်းပညာရှင်တွေရဲ့ အခန်းကဏ္ဍနဲ့ပတ်သက်ပြီး ဆရာကြီးဒေါက် တာသန်းထွန်းဆိုတဲ့ဘူးတဲ့ သမိုင်းပညာရှင်တစ်ယောက်ရဲ့ ရပ်တည်ချက်တွေကတော “သမိုင်းမှတ်တမ်းတင်သူတွေဟာ အဂတိ မလိုက်ရဘူး။ ချစ်လို့မြှောင့်ပင့်ရေးတယ်။ မုန်းလို့ နှိမ့်ချကဲ့ရဲ့တယ်။ ကြောက်လို့ ဖုံးကွယ်ပြောတယ်။ မသိတာကို ဝန်မခံချင်လို့ ဖြစ်ကတတ်ဆန်း ရေးတယ်ဆိုတာမျိုး ဘယ်တော့မှ မလုပ်ရဘူး။” လို့ ဆိုပါတယ်။

ဒီနေရာမှာ သမိုင်းဆိုင်ရာ ဖလော်ဆော်ဖီ ဒဿနအကြောင်းမှာတော့ အထက်ကပြောခဲ့သလို သမိုင်းပညာရှင်တွေ ထုတ်ဖော်ခဲ့ ကြတဲ့ လူသားတွေနဲ့ပတ်သက်ဆက်နွယ်နေတဲ့ အတိတ်ကအဖြစ်အပျက် သင်ခန်းစားတွေက အယူအဆသဘောတရားတွေကို ဒဿနအမြင်က ဆင်ခြင်သုံးသပ် ဝေဖန်စမ်းစစ်တဲ့ အခန်းကဏ္ဍကို ရောက်ရှိလာတာဖြစ်တယ်လို့ ဒဿနကျမ်းရင်း တချို့မှာ ဆိုပါတယ်။ ပြောရမယ်ဆိုရင်တော့ သမိုင်းဆိုင်ရာ သဘောသဘာဝနဲ့ပတ်သက်နေတဲ့ ပြဿနာရပ်တွေကို ဒဿနပညာက ဖြေရှင်းပြဖို့ဖြစ်ပါတယ်။

တနည်းအားဖြင့်ပြောရမယ်ဆိုရင်တော့ လူသားတွေနဲ့ပတ်သက်ဆက်နွယ်နေတဲ့ အတိတ်က အဖြစ်အပျက်တွေကို ဒဿန ပညာရှင်တွေက လက်ရှိလူ့အဖွဲ့အစည်းရဲ့ ပြဌာန်းချက်စံနှုန်းတွေချိန်ထိုးတွက်စပြီး ဘာသာရေး၊ နိုင်ငံရေး၊ သမိုင်း၊ အနုပညာ၊ ကိုယ်ကျင့်တရားစတဲ့ပညာရပ်တွေနဲ့ ဆက်စပ်ပုံဖော်ပေးတဲ့နေရာမှာ ပါဝင်နေပါတယ်။ ကျွန်တော်တို့ ဒီဘက်ခေတ် လူ့အဖွဲ့အစည်းမှာ သမိုင်းနဲ့ပတ်သက်ပြီး အတိတ်ခေတ်သမိုင်း၊ မျက်မှောက်ခေတ်သမိုင်းနဲ့ အနာဂတ်ခေတ်သမိုင်းဆိုပြီးရှိတဲ့ နေရာမှာ အတိတ်ခေတ်သမိုင်းက အတွေ့အကြုံနဲ့ အားနည်းချက်တွေကို မျက်မှောက်ခေတ်သမိုင်းမှာ လူ့အဖွဲ့အစည်းရဲ့ ပြဌာန်းချက် စံနှုန်းတွေနဲ့ ချိန်ထိုးစဉ်းစားပြီး အနာဂတ်သမိုင်းအတွက် အလုပ်လုပ်ဆောင်ပေးကြရမယ့် တာဝန်တွေရှိလာပါပြီ။

သမိုင်းကြောင်းတလျှောက်မှာတော့ သမိုင်းဆိုင်ရာ ဒဿနပညာရှင်တွေက လူသားတွေရဲ့ လွတ်လပ်မှုကို တိုင်းတာဆုံးဖြတ် ပေးတာတွေကို ပြုလုပ်ခဲ့ကြရုံသာမက လူသားတစ်ယော်ချင်းဆီ (သမိုင်းဇာတ်ကောင်တစ်ယောက်ချင်းဆီရဲ့) လူ့ဘောင် အဖွဲ့အစည်းထဲမှာ ကိုယ်ကျင့်တရားအရ ဘယ်လိုဆောင်ရွက်ပြုမူခဲ့ကြတယ်ဆိုတာကိုလည်း ဖော်ထုတ်ပေးခဲ့ကြတာတွေ့ရပါ တယ်။ ဒီနေရာမှာ ကျွန်တော်တို့လူငယ်တွေအနေနဲ့ သမိုင်းကို မှတ်တမ်းတင်တဲ့ သမိုင်းပညာရှင်လို့ အခန်းကဏ္ဍကပဲ ရပ်တည် ကြမလား၊ ဒါမှမဟုတ် သမိုင်းကိုဖန်တီးသူတွေအဖြစ် သမိုင်းရဲ့လိုအပ်ချက်ကြောင့် မွေးဖွားလာရတဲ့ သမိုင်းဇာတ်ကောင်တွေ ဖြစ်ဖို့ ပြင်ဆင်ကြမလား။ ဒါမှမဟုတ် သမိုင်းဇာတ်ကောင်တွေရဲ့ အဖြစ်အပျက်တွေကို သမိုင်းမှတ်တမ်းတင်သူတွေပေးတဲ့ သင်ခန်းစားတွေကို လက်တွေ့လူမှုဘ၀မှာ ချိန်ထိုးတွက်ဆပြီး အနာဂတ်အတွက် ဘာသာရေး၊ နိုင်ငံရေး၊ သမိုင်း၊ ကိုယ်ကျင့်တရား၊ အနုပညာ၊ ရှိမှုသိမှုပညာ စတဲ့အရာတွေအတွက် ပုံဖော်ပေးကြမယ့်လူတွေအဖြစ် လုပ်ဆောင်ကြမလားဆို တာ မေးခွန်းထုတ်ဖို့ လိုအပ်လာပါပြီ။

၃။ ပညာရေးဆိုင်ရာ ဖလော်ဆော်ဖီ ဒဿန

ပညာရေးဆိုင်ရာ ဖလော်ဆော်ဖီ ဒဿနအကြောင်း ကျွန်တော်တို့ပြောမယ်ဆိုရင် ပညာရေးရဲ့ အဓိပ္ပါယ်ဖွင့်ဆိုချက်ကို အရင် ပြောကြရမှာဖြစ်ပါတယ်။ ပညာရေးဆိုတဲ့ အဓိပ္ပါယ်ဖွင့်ဆိုချက်ကို ဒဿနဗေဒကျမ်းရင်းအချို့မှာတော့ လူအဖွဲ့အစည်းအသီးသီး က အနာဂတ်လူငယ်လူရွယ်တွေအနေနဲ့ ဘ၀ရပ်တည်နိုင်ရေးအတွက် ကြိုတင်ပြင်ဆင်နိုင်ဖို့ ဘာသာရပ်အလိုက်သင်ကြားပို့ချ ပေးတဲ့ အရာအဖြစ် အကြမ်း ပြင်းရှု့မြင်နိုင်မယ်လို့ ဆိုကြပါတယ်။ လူ့အဖွဲ့အစည်းတိုင်းအတွက် အနာဂတ်လူငယ်တွေအတွက် ဘ၀ရပ်တည်နိုင်ရေးကို ကြိုတင်ပြင်ဆင်မှုတွေ ပြုလုပ်ပေးတဲ့အလုပ်ဟာ အရေးအကြီးဆုံးအချက်ဖြစ်ပါတယ်။ ပညာရေးကို နိုင်ငံအသီးသီးက အစိုးရတွေက အဓိကအားဖြင့် ဦးဆောင်ဦးရွက်လုပ်ကြပြီး နိုင်ငံအတွက် လိုအပ်တဲ့ ခေါင်ဆောင်ကောင်း တွေကို ဘယ်လိုပညာရေးစနစ်က မွေးထုတ်ပေးနိုင်မလဲဆိုတာကို ပညာရေးဆိုင်ရာ ဒဿနပညာရှင်တွေနဲ့ ဆွေးနွေးညှိနှိုင်းပြီး သင်ကြားရေးပုံစံတွေ၊ ပြဌာန်းချက်တွေကို ရေးဆွဲပြီး နှစ်ရှည်စီမံကိန်းတွေနဲ့ ပြုစုပျိုးထောင်မှုပြုလုပ်ကြတာတွေရပါတယ်။

ဒီနေရာမှာ ပညာရေးဆိုင်ရာ ဖလော်ဆော်ဖီဒဿနရဲ့ အခန်းကဏ္ဍကို ရောက်လာပါပြီ နိုင်ငံတကာနဲ့ ကမ္ဘာအရပ်ရပ်မှာ အကောင်းမွန်ဆုံး သင်ကြားရေးပုံစံတွေ စနစ်တွေနဲ့ လူ့အဖွဲ့အစည်းရဲ့အဓိကကျတဲ့ လူငယ်တွေကို ပြုစုပျိုးထောင်မှုတွေ ပြုလုပ်ပေးနေချိန်မှာ ကိုယ့်နိုင်ငံက အသက်မွေးဝမ်းကြောင်းပညာအဆင့်နဲ့ ရပ်တည်နေရင် ကိုယ်နိုင်ငံရဲ့ ပညာရေးနဲ့ပတ်သက်တဲ့ ထုတ်ကုန်ဆိုတာ လုပ်ငန်းတစ်ခုကို လည်ပတ်အောင် လုပ်ဆောင်ပေးနိုင်တဲ့ ပညာရှင်မျိုးတွေကို မွေး ထုတ်ပြီးသားဖြစ်သွားနိုင်ပါတယ်။ ဒီအချိန်မှာပဲ တဖက်က လိုအပ်တဲ့ အသက်မွေးဝမ်းကြောင်းဆိုင်ရာတွေကနေ အဆင့်မြင့်ပြီး အဆင့်မြင့်ပညာတွေကို သင်ကြားပြီး လူငယ်တွေကို ခေါင်းဆောင်ဖြစ်လာနိုင်တဲ့ အခြေအနေမျိုးကိုလည်း မွေးထုတ်ဖို့ လိုအပ် လှပါတယ်။ အဲ့ဒီအခန်းကဏ္ဍကို ပညာရေးဆိုင်ရာ ဒဿနပညာရှင်တွေက ထမ်းဆောင်ကြရမှာဖြစ်ပါတယ်။

ဒီနေရာမှာတော့ ကျွန်တော်တို့အနေနဲ့ ကျွန်တော်တို့အစိုးရက ဘယ်လိုပညာသင်ကြားရေးပုံစံမျိုးတွေနဲ့ သင်ကြားပေးလိုက် တယ်။ နိုင်ငံအတွက် တကယ်လိုအပ်တဲ့ ကိုယ်ရည်ကိုယ်သွေးထက်မြတ်တဲ့လူငယ်တွေကို မွေးထုတ်ပေးနိုင်မယ့် ပညာရေးပုံစံနဲ့လား ဘယ်လိုဟာမျိုးနဲ့သင်ကြားပေးလိုက်တယ်ဆိုတာ ဝေဖန်ဆန်းသစ်နိုင်ဖို့ အရေးတကြီးလိုအပ်ပါတယ်။ တကယ်လို့သာ ကိုယ့်ရဲ့ ဝေဖန်ဆန်းစစ်ချက်ဟာ ပြီးပြည့်စုံတဲ့ အဖြေကို မပေးနိုင်တဲ့ အခြေအနေမျိုးဆိုရင်တော့ ကျွန်တော်တို့ လူငယ်တွေ ကိုယ့်ကိုယ်ကိုယ် သိပြီး ကြိုးစားကြဖို့ပဲရှိပါတယ်။ အစိုးရကိုယ်တိုင်က ပညာရေးစနစ်မှာ အားနည်းချက်တွေ ရှိနေအောင် ပြုလုပ်ထားတဲ့အခြေအနေမှာ အတွေးအခေါ်ပညာရှင်တွေက ပညာရေးစနစ်ရဲ့ အပြင်ဘက်ကနေ လူငယ်တွေအတွက် စိတ်ဓာတ်အဟာရအဖြစ် ပညာနို့ချို တိုက်ကျွေးနိုင်ကြဖို့ လိုအပ်နေပါတယ်။ ကျွန်တော်တို့ လူငယ်တွေ အနေနဲ့ရော ကိုယ်သင်ကြားလာခဲ့ရတဲ့ ပညာရေးစနစ်ဟာ တကယ်ပဲ အကျိုးရှိတဲ ပညာရေးစနစ်လား၊ ဒီလိုမဟုတ်ပဲ အားနည်းချက်တွေရှိနေတဲ့ ပညာရေးစနစ်လားဆိုတာ ဝေဖန်ဆန်းစစ်နိုင်ကြဖို့လိုပါတယ်။ ဒီလိုဆန်းစစ်နိုင်မှ ကိုယ့်အတွက် ဘာအရေးကြီးသလဲ။ ဘာလိုအပ်သလဲ ဆိုတာကိုလည်း နားလည်လက်ခံပြီး ကြိုးစားကြရမှာဖြစ်ပါတယ်။

၅။ အနှစ်ချုပ်

အထက်မှာပြောခဲ့တဲ့ အကြောင်းအရာတွေကို ခြုံပြီးသုံးသပ်လိုက်ရင် သိပ္ပံဆိုင်ရာနဲ့ အကျွမ်းတဲ့ ကျွန်တော်တို့ နေ့စဉ် အသုံးပြုနေတဲ့ ကွန်ပျူတာဆော့ဝဲယားတွေ၊ ၀က်ဘ်ဆိုက်တွေ၊ ဘလော့ခ်တွေ၊ လူမှုရေးအွန်လိုင်းကွန်ယက်တွေနဲ့ အိုက်ဒီယို လောဂျီတွေအများကြီးကို လိုက်ပါနိုင်အောင် ကြိုးစားလေ့လာလိုက်စားနေကြရတယ်ဆိုတာတော့ အမှန်ပဲဖြစ်ပါလိမ့်မယ်။ ဒီလို လေ့လာကြတဲ့အခါမှာ အချိန်ကိုအကျိုးရှိစွာ အသုံးပြုနိုင်ဖို့နဲ့ ဒီနည်းပညာတွေကို ကိုယ်နဲ့ပတ်သက်ဆက်နွယ်နေတဲ့ နိစဓူဝ အကြောင်းအရာတွေနဲ့ ချိန်ထိုးပြီး ကျွန်တော်တို့ သက်ဝင်ယုံကြည်တဲ့ ဘာသာတရား၊ ကျွန်တော်တို့နဲ့ မပတ်သက်ချင်လဲ ပတ်သက်နေရမယ့် ကျွန်တော်တို့နိုင်ငံရဲ့ နိုင်ငံရေး၊ ကျွန်တော်တို့ကိုယ်တိုင် နေစဉ်နဲ့အမျှ ဖြတ်သန်းနေကြရတဲ့ သမိုင်းဖြစ်စဉ် တွေ၊ တစ်ယောက်နဲ့တစ်ယောက် မတူညီကွဲပြားခြားနားနေတဲ့ ကိုယ်ကျင့်တရားပိုင်းဆိုင်ရာ စံနှုန်းတွေ၊ အနုပညာခံစားချက် တွေစတဲ့ စတဲ့အကြောင်းအရာတွေနဲ့ ချင့်ချိန်ပေါင်းစပ်ပြီး ကျွန်တော်တို့လူငယ်တွေဟာ သမိုင်းမှတ်တမ်းတင်သူတွေ၊ ဒါမှမဟုတ် သမိုင်းကိုဖန်တီးသူတွေအဖြစ်ဒါမှမဟုတ် အနာဂတ်လူဘောင်အတွက် ကိုယ်ရင်ဆိုင်ကြုံတွေ့နေရတဲ့ အခက်အခဲ တွေကိုသင်ခန်းစာယူပြီး ခိုင်မာတဲ့ပညာရေးစနစ်တစ်ရပ်ပေါ်ပေါက်လာအောင်၊ ဒါမှမဟုတ် လိုအပ်နေတဲ့ပညာရေးကွက်လပ်ကို ဖြည့်စည်းပေးနိုင်တဲ့သူတွေဖြစ်အောင် ဖော်ဆောင်နိုင်ကြစေဖို့ တိုက်တွန်းရင် ဒီစာကို နိဂုံးချုပ်လိုက်ချင်ပါတယ်။ အပေါ်မှာ ရေးသားခဲ့တဲ့ အကြောင်းအရာတွေဟာ မြန်မာတက္ကသိုလ်တွေမှာ သင်ကြားဖို့ ပြဌာန်းထားတဲ့ ဒဿနိကဗေဒဘာသာရပ် ပြဌာန်းစာအုပ်အချို့နဲ့ ဒဿနိကဗေဒက ဆရာတချို့ရဲ့ လမ်းဘေးဟောပြောပို့ချမှုတွေကို ကိုးကားပြီး ရေသားထားတာဖြစ် တယ်ဆိုတာ ၀န်ခံအပ်ပါတယ်။

အံဘုန်းမြတ်

Read More...

Collapse...

ရက်ပေါင်း ၉၀နှင့် ကိန်းသေငါးပါး -

မောင်စူးစမ်း

နိုဝင်ဘာ ၇ရက်နေ့တွင် ရွေးကောက်ပွဲကြီးကျင်းပပြုလုပ် တော့မည်။ နိုင်ငံရေးပါတီအားလုံးကလည်း ခင်းကျင်းပြင်နေ ကြပြီး ၂၀၀၈ခုနှစ်ဖွဲ့စည်းပုံအခြေခံဥပဒေအရ နိုဝင်ဘာ ၇ရက် နေ့အပြီး ရက်ပေါင်း ၉၀အတွင်း လွှတ်တော်တို့ကို ခေါ်ယူကျင်းပ ပေးရတော့မည်။ သို့ဖြင့် နိုဝင်ဘာ ၇ရက်မှ ရက်ပေါင်း ၉၀အ တွင်း လွှတ်တော်နိုင်ငံရေးဆိုပြီး ပေါ်ပေါက်တော့မည်။ လွှတ် တော်နိုင်ငံရေးအခင်းအကျင်းသစ်ဖြင့် နိုင်ငံရေးစနစ်သစ်ကို ဇန်န၀ါရီလထဲတွင် မြင်ရတော့မည်။
စစ်ဘက်စနစ်မှ ပါလီမန်လွှတ်တော်နိုင်ငံရေးစနစ်သို့ကူး ပြောင်းတော့မည်ဖြစ်၍ လူတိုင်းအဖွဲ့အစည်းတိုင်းသည် စနစ် သစ်နှင့် နေသားတကျဖြစ်ရန် ပြင်ဆင်ကြရတော့မည်။ တစ်ဖက် ကလည်း ကြိုတင်ပြင်ဆင်၊ အခြားတစ်ဖက်မှလည်း နိုဝင်ဘာ ၇ရက်နေ့တွင် ကျင်းပမည့်ရွေးကောက်ပွဲရလဒ်ကို ကြိုတင်ခန့်မှန်း ကြည့်ကြသည်။ နိုင်ငံရေးအကဲခတ်သမားတို့၌မူ ကြိုတင်ခန့်မှန်း နည်း သုံးနည်းရှိသည်။

သုံးနည်း

ပထမနည်းသည် အဖြေထွက်ပြီးသားအနေဖြင့် ကြည့်သော နည်းဖြစ်သည်။ Foregone Conclusion ဟုခေါ်သည်။ ရွေး ကောက်ပွဲမတိုင်မီကပင် မည်သည့်အဖွဲ့နိုင်မည်ဟုကျိန်းသေ ကြည့်တွက်သောနည်းဟုခေါ်သည်။ ဤနည်းအရ အာဏာရပါတီ ကပင် အနိုင်ရလိမ့်မည်ဟု ယေဘုယျခန့်မှန်းသည်။
ဒုတိယနည်းသည် မမျှော်လင့်သောအကျိုးဆက်တို့ကို မျှော် လင့်သောတွက်နည်းဖြစ်သည်။ ဤတွက်နည်းသည် အတိတ်အ တွေ့အကြုံကိုလည်း မှီငြမ်းသည်။ မမျှော်လင့်သောအကျိုးဆက် များ Law of Unexpected Consequences ဆိုသော သီအိုရီ ကိုလည်း မှီငြမ်းသည်။ သီအိုရီအရမသေချာ မရေရာမှုတွေလွှမ်း မိုးထားသောအခြေအနေတွင် အလျဉ်းသင့်တာတွေဖြစ်တတ် သည်။ ဤသီအိုရီကိုအခြေခံ၍လည်း မြန်မာ့နိုင်ငံရေးသည် အစီ အစဉ်အတိုင်းမဖြစ်ခဲ့သည့် အတွေ့အကြုံ Non Linear ကို ကောက် နုတ်ကြည့်၍ မသေချာမရေရာမှုကို ခန့်မှန်းထားသည်။ ရလဒ်ကို တပ်အပ်မပြောခြင်းကို သတိထားသောနည်းဖြစ်သည်။ တတိယ နည်းသည် အဖြစ်အပျက်တို့ကိုအကဲခတ်၍ ခန့်မှန်းကြည့်သော နည်းဖြစ်သည်ဟု ဆိုနိုင်သည်။

Read More...

Collapse...

စိတ်ကူးနဲ့လက်တွေ့

(Voice ဂျာနယ်မှာပါတဲ့ အောင်ထွဋ်ရဲ့ သန်း၅၀ ကို အနိုင်ပေးပါ ဆောင်းပါးနဲ့ ပတ်သက်ပြီး သုံးသပ်ချက် ဖြစ်ပါတယ်။ အရင်ကတော့ ဆောင်းပါးကို မူရင်းအတိုင်း တင်ပေးထားပြီး စာဖတ်သူများကပဲ သုံးသပ်မှတ်ချက် ရေးကြပါတယ်။ အခုတော့ သက်ဆိုင်ရာ ဂျာနယ်က ဆောင်းပါးတွေ တင်တာကို တားမြစ်ထားတဲ့အတွက် ကျွန်တော်တို့ကပဲ ဖတ်ညွှန်း လုပ်ပေးလိုက်ပါတယ်။)

အောင်ထွဋ်ရဲ့ သန်းငါးဆယ်ကို အနိုင်ပေးပါ ဆိုတဲ့ဆောင်းပါးဟာ ဒေါ်အောင်ဆန်းစုကြည်ကို ပြစ်ဒဏ်လျှော့ပေါ့ ပေးတဲ့ ဗိုလ်ချုပ်မှူးကြီး သန်းရွှေရဲ့ အမိန့်ထဲမှာပါတဲ့ အပိုဒ် ၆ နဲ့ အစချီထားပါတယ်။ သိပြီးဖြစ်တဲ့အတိုင်း ဒီစာပိုဒ်ဟာ ဒေါ်အောင်ဆန်းစုကြည်သည် လျှော့ပေါ့ပြောင်းလဲလိုက်သော ပြစ်ဒဏ်ကျခံရမည့် အချိန်ကာလထက် မကျော်လွန်သော အချိန်ကာလအတွင်း ပူးတွဲသတ်မှတ်ထားသော စည်းကမ်းချက် များနှင့်အညီ ကောင်းမွန်စွာ နေထိုင်ပါက ဆိုင်းငံ့ထားသော ပြစ်ဒဏ်အားလုံးကို လွတ်ငြိမ်းချမ်းသာခွင့် ပြုမည်ဖြစ်ကြောင်း အကြောင်းကြား လိုက်သည်။ လို့ ဖော်ပြထားတာ ဖြစ်ပါတယ်။

အောင်ထွဋ်က ဒီစာပိုဒ်ဟာ မထည့်လည်းရတဲ့ စာပိုဒ်ဖြစ်တယ်။ ဒီလိုစာပိုဒ် ပါလာတာဟာ အရေးကြီးတဲ့ အဓိပ္ပါယ် ကိုဆောင်တယ်။ ဒေါ်အောင်ဆန်းစုကြည်ကို ထိန်းသိမ်းထားတာကြောင့် ဖြစ်နေရတဲ့ Status- quo ကနေထွက်ပေါက်ရဖို့ အတွက် ဒီစာပိုဒ်ကနေ တပ်မတော်ဘက်က ဘာကိုလိုချင်တာလဲဆိုတာ အဓိပ္ပါယ် ဖော်နိုင်ရေးဟာ အရေးကြီးတယ်လို့ သုံးသပ်ပြထားပါတယ်။ သူ့ဆောင်းပါးတစ်ခုလုံးရဲ့ Theme ဟာ ဒီအချက်ပေါ်မှာအခြေခံပြီးရေးထားတာဖြစ်ပါတယ်။

အောင်ထွဋ်က တပ်မတော်ဘက်က ဘာကိုလိုချင်လည်း ဆိုတဲ့အပေါ် အခုလိုရေးပါတယ်။ Guardian အဖြစ် ခံယူ ထားသူ တပ်မတော်၏ Rule of Game အတိုင်းလိုက်ပါကစားရန် သဘောတူ၊ မတူကိစ္စမှာ ကနဦး ဆုံးဖြတ်ရမည့် အချက် တစ်ချက်ဖြစ်ပေသည်။ ဒါကတော့ အခြေခံဥပဒေနဲ့ လမ်းပြမြေပုံကို လက်ခံမှ ဒေါ်အောင်ဆန်းစုကြည် လွတ်မြောက်ရေး ဖြစ်နိုင်မယ်ဆိုတဲ့ သဘောကို သွယ်ဝိုက်ပြောလိုက်တာပဲ ဖြစ်ပါတယ်။ ဒါကတော့ လူအတော်များများ သဘောပေါက် ထားတဲ့ အချက်ဖြစ်ပါတယ်။ ဒါပေမယ့် အောင်ထွဋ်က ဒီအချက် တစ်ခုတည်းနဲ့ မလုံလောက်သေးဘူးလို့ မြင်ပါတယ်။ သူ့အဆိုအရ ရွေးကောက်ပွဲဝင်မယ် ဆိုရင်တောင် ရွေးကောက်ပွဲမှာ သူနိုင်ကိုယ်နိုင် အပြိုင်ကြဲရင် ပွတ်တိုက်မှုတွေ ဖြစ်နိုင်ချေရှိသေးတယ်။ ဒါ့ကြောင့် အကောင်းဆုံးကတော့ ဒေါ်အောင်ဆန်းစုကြည်ဘက်က တပ်မတော် အနေနဲ့ သူမကို မဟာဗျူဟာ မိတ် ဖက်အနေနဲ့လက်ခံသွားအောင်လုပ်ရမယ်လို့ ကောက်ချက်ချထားပါတယ်။

ဒီကောက်ချက်အရ ဒေါ်အောင်ဆန်းစုကြည်နဲ့ အမျိုးသားဒီမိုကရေစီ အဖွဲ့ချုပ်ဘက်က ဆက်လုပ်ရမယ့် လုပ်ငန်းတွေနဲ့ ပတ်သက်ပြီး အရင်က သူ့ဆောင်းပါးတွေမှာဖော်ပြထားခဲ့တဲ့ အချက်နှစ်ချက်ကို ပြန်ညွှန်းပါတယ်။ အဲဒါတွေကတော့ --

၁။ စနစ်ပြောင်း - အုပ်ချုပ်သူမပြောင်း ကိစ္စကို သဘောထားကြီးကြီးနဲ့ သဘောတူသင့်တယ်။

၂။ ဒေါ်အောင်ဆန်းစုကြည်တို့ဘက်က မဲဆန္ဒနယ် စုစုပေါင်းရဲ့ ၅၀% အောက်တွင်သာ ၀င်ပြိုင်ရမယ်။

အောင်ထွဋ်က ဧပြီလမှာ အဲဒီအယူအဆကို ရေးတုံးက သူပြောသလို ဒေါ်အောင်ဆန်းစုကြည် ဘက်က လိုက်လုပ် ရင်တောင် အစိုးရက ဒေါ်အောင်ဆန်းစုကြည်ကို လွှတ်မလွှတ် ကံသေကံမ မပြောနိုင်ဘူး။ ဒါပေမယ့် အခုတော့ ဆောင်းပါး အစမှာ ညွှန်းခဲ့တဲ့ အပိုဒ် ၆ ပါ အစိုးရ သဘောထားကြောင့် သူများစွာ ရင်ခုန်မိပါတယ်လို့ ပြောထားပါတယ်။ ဆောင်းပါးရဲ့ အဆုံးမှာတော့ လာမယ့် ရွေးကောက်ပွဲမှာ ဖြစ်နိုင်ခြေ ငါးခုကို ချပြထားပါတယ်။ အဲဒီထဲက လေးခုကိုတော့ စာဖတ်သူတွေ ကိုယ်တိုင် အဖြေထုတ်ဖို့ကွက်လပ်ချန်ထားပြီး နောက်ဆုံးတစ်ခု အတွက်ပဲ သူ့အမြင်ကို ရေးထားပါတယ်။ ဒါပေမယ့် ကျန် တဲ့လေးခုကတော့ Status – quo ကို ပြန်သွားမယ့် နည်းလမ်းတွေသာ ဖြစ်တယ်လို့ရေးထားတော့ စာဖတ်သူတွေ ဘာ အဖြေဖြေ ထုတ်ထုတ် မထူးဘူးဆိုတဲ့ သဘောလို ဖြစ်နေပါတယ်။ သို့သော် သူပြောတဲ့ ဖြစ်နိုင်ချေ ငါးခုကို စဉ်းစားနိုင်အောင် ဖော်ပြလိုက်ပါတယ်

၁။ ရွေးကောက်ပွဲ ၀င်ရောက် ယှဉ်ပြိုင်ခြင်းမပြု။ ( သူ့သဘောထားမရေးပါ။ စာဖတ်သူများ သုံးသပ်ရန်လို့ ပြောပါ တယ်။ )

၂။ ရွေးကောက်ပွဲတွင် ၀င်ရောက်ယှဉ်ပြိုင်တယ်။ သို့သော် အမတ်လောင်းများ ဥပဒေနဲ့ ငြိနေလို့ အနည်းငယ်သာ ၀င်ပြိုင်နိုင်တယ်။ ( သူ့သဘောထား မရေးပါ။ စာဖတ်သူများ သုံးသပ်ရန်လို့ ပြောပါ တယ်။ )

၃။ ရွေးကောက်ပွဲ ၀င်ပြိုင်တယ်။ အကြောင်းကြောင်းကြောင့် အနည်းစုပဲ အနိုင်ရတယ်။ ( ဘယ်သူနိုင်တာလဲဆိုတာ မပြောထား။ သို့သော် အမျိုးသားဒီမိုကရေစီ အဖွဲ့ချုပ်ကို ညွှန်းတယ်လို့ပဲ နားလည်မိတယ်။ ) ( သူ့သဘောထား မရေးပါ။ စာဖတ်သူများ သုံးသပ်ရန်လို့ ပြောပါ တယ်။ )

၎။ ရွေးကောက်ပွဲ ၀င်ပြိုင်တယ်။ အများစု အနိုင်ရတယ်။ ( ဘယ်သူနိုင်တာလဲဆိုတာ မပြောထား။ သို့သော် အမျိုးသားဒီမိုကရေစီ အဖွဲ့ချုပ်ကို ညွှန်းတယ်လို့ပဲ နားလည်မိတယ်။ ) ( သူ့သဘောထားမရေးပါ။ စာဖတ်သူများ သုံးသပ် ရန်လို့ ပြောပါ တယ်။ )

၅။ ရွေးကောက်ပွဲမှာ မဲဆန္ဒနယ် စုစုပေါင်းရဲ့ ထက်ဝက်အောက်မှာသာ ယှဉ်ပြိုင်တယ်။ ဒါတောင်မှ တိုင်းတွေမှာပဲ ပြိုင် သင့်တယ်။ တိုင်းရင်းသားတွေကို ဦးစားပေးတဲ့ အနေနဲ့ ပြည်နယ်တွေမှာ ၀င်မပြိုင်သင့်တဲ့ သဘောပြောပါတယ်။ ဒီနည်းလမ်းကတော့ အောင်ထွဋ် ဖြစ်စေချင်တဲ့ နည်းလမ်းဖြစ်ပြီး ရလဒ်အနေနဲ့ကတော့ ပျော်ရွှင်စရာကောင်းတဲ့ အဆုံးသတ်ဖြစ်မယ်။ အင်အားကြီးတဲ့ အတိုက်အခံ ပါတီကို ရမယ်။ အပြန်အလှန် ထိန်းကျောင်းနိုင်မယ်။ ဒေါ်အောင်ဆန်းစုကြည် လွတ်လာမယ်။ ဒဏ်ခတ်ပိတ်ဆို့မှုတွေ ရပ်သွားမယ်။ စီးပွားရေး ပြဿနာတွေ ရှင်းနိုင်မယ် စသည်ဖြင့် ရလာမယ်။

ဆောင်းပါးရှင်က ဒီနည်းလမ်းသာလျှင် မြန်မာနိုင်ငံသား သန်းငါးဆယ်၊ အထူးသဖြင့် လူလတ်တန်းစားနဲ့ အခြေခံ လူတန်းစားများရဲ့ စီးပွားရေးကို ထောင်မတ်နိုင်ဖို့အတွက် ပိတ်ဆို့မှုများ ရပ်ဆိုင်းရေးဟာ အခုဖြစ်နေတဲ့ Status-quo ရပ် ဆိုင်းမှဖြစ်မယ်။ ဒီလိုရပ်ဆိုင်းဖို့ဆိုတာ သူတင်ပြတဲ့ နည်းလမ်းအတိုင်းသွားမှ ဖြစ်မယ်လို့ ကောက်ယူ တင်ပြထားတာ ဖြစ်ပါတယ်။ အဆုံးသတ်မှာ မြန်မာနိုင်ငံ၏ နိုင်ငံရေး Status-quo ကို ရပ်ဆိုင်းနိုင်ခြင်းသည် မြန်မာနိုင်ငံသား မျိုးဆက် များစွာတို့အတွက် Generational Gain ဖြစ်ပါသည်။ နှစ်ဖက်ပြေလည်ခြင်းကို ရရှိသည့် အခိုက်အတန့်တွင် အဘယ်ကြောင့် ဤမျှ ကြည်နူးစရာကောင်းသော အခြေအနေကို အဘယ်ကြောင့် အရင်က မတွေးမိခဲ့ရ ပါသနည်းဟု စဉ်းစားမျက်ရည်ကျ ကြရပါလိမ့်မည်လို့ အောင်ထွဋ်က နိဂုံးချုပ်ထားပါတယ်။ ဒါဟာ သူ့အယူအဆအပေါ် အတော်ကို ခိုင်ခိုင်မာမာ ရပ်တည်ပြောကြားလိုက်တဲ့ သဘောပါပဲ။

အောင်ထွဋ်ရဲ့ ဆောင်းပါးမှာ သဘောတူတာလည်း ရှိ၊ မတူတာလည်း တွေ့ပါတယ်။ ဒေါ်အောင်ဆန်းစုကြည် အနေနဲ့ အခြေခံဥပဒေကို လက်ခံသင့်တယ်။ ဒါဆိုရင် တပ်မတော်ကလည်း သူမကို လွှတ်ပေးသင့်တယ် ဆိုတာကတော့ ကျွန်တော်တို့လည်း သဘောတူပါတယ်။ ဒါဟာ အကောင်းဆုံး ထွက်ပေါက်လို့လည်း မြင်ပါတယ်။

သို့သော် ဒုတိယ အဆင့်ဖြစ်တဲ့ စနစ်ပြောင်း - အုပ်ချုပ်သူ မပြောင်းဆိုတဲ့ အယူအဆကို ဒေါ်အောင်ဆန်းစုကြည် တို့ဘက်က လက်ခံသင့်တယ်ဆိုတဲ့ အချက်ကတော့ မဖြစ်နိုင်ဘူးလို့ ထင်ပါတယ်။ အခြေခံဥပဒေကို လက်ခံလိုက်ခြင်း ဟာ လိုချင်တဲ့ အတိုင်းအတာကို မရောက်ပေမယ့် အတိုင်းအတာ တစ်ခုအထိ အကောင်းဘက်ကို ရှေ့ရှု ပြောင်းလဲသွားနိုင် တယ်ဆိုတဲ့ အယူအဆကြောင့်သာ ဖြစ်မှာပါ။ ဒါ့ကြောင့် အခြေခံဥပဒေက ပေးထားတဲ့ အခွင့်အရေးနဲ့ ပြုပြင်ပြောင်းလဲရေး ကို ဆောင်ရွက်နိုင်ဖို့အတွက် ဘယ်နိုင်ငံရေးသမား၊ ဘယ်နိုင်ငံရေး ပါတီမဆို လုပ်နိုင်၊ ကိုင်နိုင်တဲ့ အမတ်နေရာရအောင် ကြိုးစားကြမှာပဲ ဖြစ်ပါတယ်။ ဒီလိုကြိုးစားကြသူတွေထဲက ဘယ်သူကိုတော့ ယုံကြည်ပြီး ပုံအပ်သင့်တယ် ဆိုတာကတော့ မဲဆန္ဒရှင်တွေကပဲ ဆုံးဖြတ်ကြမှာ ဖြစ်ပါတယ်။ ဒီတော့ ဒေါ်အောင်ဆန်းစုကြည်ဘက်ကို စနစ်ပြောင်း- အုပ်ချုပ်သူပြောင်း ဆိုတာကို လက်ခံဖို့ ပြောတာဟာ စိတ်ကူးယဉ်မှု သက်သက်သာ ဖြစ်မယ်လို့ ထင်ပါတယ်။

နောက်တစ်ခုက မဲဆန္ဒနယ် စုစုပေါင်းရဲ့ ၅၀ % အောက်ပဲ ၀င်ပြိုင်ဖို့ကိစ္စ။ အောင်ထွဋ်က အကျယ်ချဲ့ မရေးပေမယ့် ထက်ဝက်အောက်ပဲ ၀င်ပြိုင်တဲ့အတွက် လွှတ်တော်မှာ အများစုနေရာ မရနိုင်ဘူး။ ဒါဆိုရင် အစိုးရအနေနဲ့ အတိုက်အခံများ ဘက်က အများစုရသွားမှာကို မစိုးရိမ်တော့ဘူး။ ဒါ့ကြောင့် ရွေးကောက်ပွဲ အကြိုကာလနဲ့ ရွေးကောက်ပွဲ ကာလမှာ သူ့ စကားအတိုင်း ပြောရရင် ပွတ်တိုက်မှုတွေ မဖြစ်နိုင်တော့ဘူးလို့ ကောက်ယူပုံ ရပါတယ်။

ဒါဟာ သီအိုရီကတော့ အလွန်ကောင်းပါရဲ့။ ဒါပေမယ့် လူ့သဘောသဘာဝအရ ဖြစ်နိုင်ပါ့မလား။ ကျွန်တော်တို့ လေ့လာမိသလောက် ၁၉၉၁ ခုနှစ်မှာ စင်္ကာပူ အတိုက်အခံ ပါတီတွေဖြစ်တဲ့ အလုပ်သမားပါတီနဲ့ ဒီမိုကရက်တစ် ပါတီတို့ က နည်းဗျူဟာအသစ် တစ်ခုချပါတယ်။ စင်္ကာပူမှာ အာဏာရ PAP ပါတီက အတိုက်အခံတွေ အပေါ်ထားတဲ့ သံသယတွေ လျော့သွားအောင်ရယ်။ လူတွေက အတိုက်အခံပါတီတွေကို မဲပေးတဲ့နေရာမှာ ပိုပြီးယုံကြည်လာအောင်ရယ်ဆိုတဲ့ ရည်ရွယ်ချက်နဲ့ အတိုက်အခံတွေဟာ အမတ်နေရာ ၈၄ နေရာအနက် ၄၀ နေရာမှာပဲ ၀င်ပြိုင်မယ်လို့ ကြေညာခဲ့တယ်။ ဒီလိုလုပ်ခြင်းအားဖြင့် အစိုးရကလည်း အတိုက်အခံတွေဟာ အာဏာရဖို့လုပ်နေတာ၊ အစိုးရဖွဲ့နိုင်အောင် လုပ်နေတာ မဟုတ်ဘူးလို့ မြင်မယ်။ လူတွေကလည်း အတိုက်အခံကို မဲပေးတဲ့အတွက် အာဏာရပါတီ ပြုတ်ကျသွားမှာ မပူရဘူး။ အားကောင်းတဲ့ အတိုက်အခံ ရှိလာတဲ့အတွက် ပိုကောင်းမယ်လို့ ယုံကြည်လာမယ်ဆိုပြီး ယူဆခဲ့တယ်။ ဒါပေမယ် ဒီနည်းဗျူဟာက မအောင်မြင်ပါဘူး။ မအောင်မြင်ရတဲ့ ပထမ တစ်ချက်ကတော့ PAP ပါတီရဲ့ လွှမ်းမိုးမှုက အရမ်းကြီးမား နေလို့ ဖြစ်ပါတယ်။ နောက်တစ်ချက်ကတော့ လူ့သဘော သဘာဝကြောင့် ဖြစ်ပါတယ်။ လူဆိုတာက ရှုံးကာမှ ရှုံးရော။ အမတ်လောင်း အဖြစ်တော့ ၀င်နွဲလိုက်ချင် သေးတာကိုး။ ဒီတော့ အတိုက်အခံတွေ ကြားထဲမှာတင် ဘယ်သူက ပြိုင်မယ်။ ဘယ်သူက မပြိုင်နဲ့လို့ ရွေးချယ်တဲ့ နေရာမှာတင် ကွဲကြ၊ ပြဲကြဖြစ်ကုန်တာနဲ့ အတိုက်အခံတွေမှာ ပိုပြီး အားနည်း သွားပါတယ်။ ၀င်ပြိုင်ခွင့် မရတဲ့ အတိုက်အခံ အမတ်လောင်း တစ်ချို့ကလည်း ဟင် မပြိုင်ရမှတော့ နင့်ပါတီဝင်နေလို့ ဘာထူးမှာလည်း ။ အစိုးရဘက် သွားတော့မှာပေါ့ဆိုပြီး ဘက်ပြောင်းသွားတာလည်းရှိရဲ့။

ဒီတော့ အနာဂတ် ရွေးကောက်ပွဲမှာ ပြည်ထောင်စုအဆင့်လွှတ်တောာ်နှစ်ရပ်နဲ့ ပြည်နယ်၊တိုင်းလွှတ်တော် တွေအတွက် အမတ်နေရာ ရှစ်ရာ၊ကိုးရာလောက်ပေါ်လာမယ်ထင်ပါတယ်။ ဒီအခါ ဘယ်သူက ပြိုင်၊ ဘယ်သူက မပြိုင်နဲ့လို့ ပြောနိုင်ဖို့အတွက် အတော်ခက်မယ်လို့ ထင်ပါတယ်။ နောက်ပြီး မဲဆန္ဒနယ်တစ်ခုမှာ လူတွေက ဒီအမတ်လောင်းကို သိပ်ကြိုက်နေတယ်။ ဒါပေမယ့် ပါတီရဲ့မူအရ သူ့နယ်မြေက ၀င်ပြိုင်မယ့်အထဲမှာ မပါဘူးဆိုရင် ဘယ်လိုလုပ်မလဲ။ အောင်ထွဋ် ဆောင်းပါးမှာ ဒီစနစ်ကို ကျင့်သုံးလို့ အောင်မြင်သွားတဲ့ နိုင်ငံရှိမရှိ ရေးမထားလို့ မသိနိုင်ပါ။ လေ့လာမိတဲ့ စင်္ကာပူမှာ တော့အလုပ်မဖြစ်တာကိုတွေ့ပါတယ်။ အောင်မြင်တဲ့နိုင်ငံအကြောင်း အောင်ထွဋ်က စေ့စေ့ငငလေး ရေးပေးနိုင်ရင်တော့ ပိုကောင်းမှာပါ။ အခုဖတ်ရသလောက်နဲ့ ပြောရရင်တော့ ဒါဟာ စိတ်ကူးယဉ်လွန်းရာ ကျတယ်လို့ ဆိုရင်မှားမယ် မထင်ပါ။

နောက်တစ်ခါ အောင်ထွဋ် ပြောမထားတဲ့ အချက်တစ်ခု ရှိပါသေးတယ်။ ဒေါ်အောင်ဆန်းစုကြည် အနေနဲ့ အခြေခံ ဥပဒေကို လက်မခံဘူး။ ၀င်လည်းမပြိုင်ဘူး။ သူ့အယူအဆကိုလည်း ထုတ်ပြောမယ်။ သို့သော် ရွေးကောက်ပွဲ လုပ်ငန်းစဉ် ပျက်အောင် မလုပ်ဘူး။ ပါချင်တဲ့လူတွေ ၀င်ပြိုင်၊ လူထုက ဆုံးဖြတ်ပါ။ အစိုးရ ဘက်ကတော့ ရွေးကောက်ပွဲ လုပ်ငန်းစဉ် တွေဟာ လွတ်လပ်ပြီး တရားမျှတအောင် လုပ်ဖို့နဲ့ နိုင်ငံတကာက စောင့်ကြည့် လေ့လာခွင့်ပေးပါလို့ တောင်းဆိုတာ မျိုးရော ဖြစ်မလာနိုင်ဘူးလား။ အဲဒါက အောင်ထွဋ်ပြောတဲ့ ဒုတိယအဆင့်များထက် ပိုပြီးများ လက်တွေ့ကျလေမလား။

ပြန်ချုပ်လိုက်ရင်တော့ အောင်ထွဋ်ရဲ့ ပထမ ယူဆချက်ဖြစ်တဲ့ အစိုးရကြေညာချက် အပိုဒ် ၆ မှာပါတဲ့ ကမ်းလှမ်းချက်ဟာ အခွင့်အရေး တစ်ခုဖြစ်တယ်။ ဒေါ်အောင်ဆန်းစုကြည် တို့ဘက်က အခြေခံဥပဒေကို လက်ခံသင့်တယ် ဆိုတဲ့ အယူအဆ ကတော့ အငြင်းပွားစရာမရှိပါ။ သို့သော် နောက်တစ်ဆင့် ကတော့ လုပ်နိုင်ရင် ကောင်းပါရဲ့။ သို့သော် လက်တွေ့ ဘ၀နဲ့ နည်းနည်းကင်းကွာ နေတယ်၊ ဖြစ်နိုင်ချေ နည်းလွန်းတယ်လို့သာ ထင်မိကြောင်းပါ။
http://padaukmyay.blogspot.com/2009_08_01_archive.html

Read More...

Collapse...

အိုက်ဒီယိုလိုဂျီနှင့် ယဉ်ကျေးမှု

မင်းခက်ရဲ (၂၀၀၇ ခုနှစ်၊ ဧပြီလထုတ် “အတွေးအမြင်”)

(ကျွန်တော်တို့လူငယ်တွေ အိုက်ဒီယိုလိုဂျီနဲ့ ယဉ်ကျေးမှုအကြောင်း အငြင်းအခုန်စကားတွေ အများကြီးပြောဖြစ်ကြတယ်။ အဲ့ဒီမှာ ဆိုကရေးတီး၊ ပလေတို၊ အရစ္စတိုတယ်ကစပြီး အလယ်ခေတ် ဟေဂယ်၊ ကားလ်မာ့ခ်စ်နဲ့ နောက်ပိုင်း တော်ဖလာရဲ့ တတိယလှိုင်းတိုင်အောင် ကျွန်တော်တို့ရဲ့ အိုက်ဒီယိုလိုဂျီနဲ့ ယဉ်ကျေးမှုတွေအတွက် သိလိုစိတ်ကို ပြည့်မှီအောင် နားမလည်နိုင်ခဲ့ပါဘူး။ တက္ကသိုလ်ကျောင်းသား ဘ၀တွေတုန်းကတော့ လက်ဘက်ရည်ဆိုင်တကာမှာ ဒီအကြောင်းအရာတွေကို ဆွေးနွေးခဲ့ကြဖူးပါတယ်။ နောက် ကျောင်းတွေလည်းပြီးရော သူငယ်ချင်းဟောင်းတွေရော သူငယ်ချင်းသစ်တွေရော အွန်လိုင်းတွေပေါ်ရောက် ဂျီတော့တွေမှာ ငြင်းခုန်၊ Facebook ပေါ်မှာ ငြင်းခုန်၊ အမြင်မျိုးစုံကို ထင်မြင်ချက်တွေပေးပြီး စာနည်းနည်းပဲ ဖတ်တဲ့လူကို စားများများဖတ်ထားသူက ဆရာလုပ်။ စာများများ ဖတ်ထားသူ သူထက်စာပိုဖတ်တဲ့လူက စကားလုံးတွေနဲ့ လှိုမ့်ဆော်.. အရင်ကတော့ လက်ဘက်ရည်ဝိုင်းမှာ ငြင်းခုန်ကြတာဆိုတော့ လေထဲတင်ပျောက်ခဲ့ကြရတယ်။ ဆွေးနွေးငြင်းခုန်မှုတွေရဲ့ ရလဒ်ရယ်လို့ ဘာမှ ထွက်မလာခဲ့ပါဘူး။ ဒီဘက်ခေတ် အွန်လိုင်းပေါ်မှာ ငြင်းခုန်တဲ့ယဉ်ကျေးမှု ထွန်းကားလာတော့ အရင်ကလို လေထဲပျောက်သွားတဲ့ အဆင့်ထက်တော့ အများကြီး ကျော်လွန်လာခဲ့ပါပြီ။ ဒါကြောင့် သဲထဲရေသွန် ငြင်းခုန်မှုယဉ်ကျေးမှုကနေ နည်းနည်းပြောင်းလဲလာတဲ့ ယဉ်ကျေးမှုတစ်ခုမှာ ဆက်ပြီးတော့ ငြင်းခုန်နိုင်ဖို့ ငြင်းခုန်စရာလေးတွေပါတဲ့ ဆောင်းပါးတစ်ပုဒ်ကို ပြန်တင်ပေးလိုက်ရပါတယ်။ ဒါကတော့ ဆရာမင်းခက်ရဲရဲ့ “အိုက်ဒီယိုလိုဂျီနှင့် ယဉ်ကျေးမှု” လို့ အမည်ရတဲ့ ဆောင်းပါးလေးပါ။ ဒီဆောင်းပါးဟာ ၂၀၀၇ ခုနှစ် ဧပြီလထုတ် “အတွေးအမြင်” မှာ ဖော်ပြခဲ့တဲ့ ဆောင်းပါးတစ်ပုဒ်လည်းဖြစ်ပါတယ်။ ဖတ်ပြီးသူတွေလည်း ပြန်ဖတ်ပြီး ဝေဖန်ဆွေးနွေးနိုင်ဖို့ ဘလော့ခ်ပေါ်က ပြန်တင်ပေး လိုက်ရပါတယ်။)
အံ့ဘုန်းမြတ်

ယဉ်ကျေးမှုကို ပုံစံအမျိုးမျိုးအဖြစ်သတ်မှတ်ကြည့်မြင်ကြတယ်။ ပထမပိုင်းက စိတ်ပိုင်းဖွံ့ဖြိုးတိုးတက်မှုနဲ့ဆိုင်တဲ့ အခြေအနေ တစ်ရပ်ဆိုတဲ့ ပုံအဖြစ်မြင်တာ။ နောက်တော့ ဒီထက်မကဘူး။ လူ့အဖွဲ့အစည်း၊ အုပ်စုတွေကိုထည့်ပြီး တွက်ချက်လာတယ်။ ယဉ်ကျေးမှုဆိုတာ လူ့အဖွဲ့အစည်းထဲက လူတွေရဲ့ အသိပညာနဲ့ စိတ်ပိုင်းဖွံ့ဖြိုးတိုးတက်မှုနဲ့ဆိုင်တဲ့ အခြေအနေတိုင်းကို သတ်မှတ်ခေါ်ဝေါ်ချင်ကြတယ်။ တချို့တော့ ယဉ်ကျေးမှုဆိုတာာ လူရဲ့အသိပညာနဲ့ တိုက်ရိုက်သတ်ဆိုင်နေတာမျိုး မဟုတ်ဘူး။ လူတွေရဲ့ ပြင်ပလူမှုရေးအခြေအနေထဲမှာ တွေ့နေရတဲ့ ပြင်ပအရှိတရားကိစ္စလို မြင်တာ။ ဥပမာအားဖြင့် ဒီလိုယူဆလိုက်တဲ့ အတွက် ယဉ်ကျေးမှုဆိုတာ လူ့အဖွဲ့အစည်းမှာ သူတို့ရဲ့ သဘောသဘာဝကို ဖော်ပြနေတဲ့ အနုပညာတွေ၊ စာပေနဲ့ အသိပညာ ဆိုင်ရာ အလုပ်တွေသာဖြစ်တယ်လို့ ယူဆတယ်။ နောက်ဆုံး ယဉ်ကျေးမှုဆိုင်ရာ လေ့လာချက်က လူတွေရဲ့ ဘ၀နေထိုင်မှုဆိုင်ရာ လမ်းကြောင်းလို့ သတ်မှတ်တယ်။

လမ်းကြောင်းဆိုရုံနဲ့ ယဉ်ကျေးမှုကိစ္စက ရှင်းလို့မပြီးသေးဘူး။ ပြဿနာတွေအများကြီး ထပ်ဝင်လာသေးတယ်။ ဘ၀နေထိုင်မှု လမ်းကြောင်းဆိုတော့ လူ့အဖွဲ့အစည်းထဲမာ ဘယ်အရာကို လမ်းကြောင်းလို့သတ်မှတ်မလဲ။ အုပ်စုတွေခွဲပြီး သတ်မှတ်မှာလား။ လူမှုရေးအဆောက်အအုံတစ်ခုအတွင်းမှာပဲ လမ်းကြောင်းတွေက အမျိုးမျိုးဖြစ်နေတာလား။ တစ်ခုတည်းရှိတာလား။ လူမှုရေး အဆောက်အအုံနဲ့ ယဉ်ကျေးမှုကိုရော ဘယ်လိုခွဲခြားမလဲ။ လူတစ်ယောက်ရဲ့ အပြုအမူဟာ လူမှုရေးအပြုအမူလား၊ ယဉ်ကျေးမှု ဆိုင်ရာအပြုအမူလား ဘယ်လိုခွဲခြားမလဲ။ ခွဲခြားလို့ရောရမလား။ လူ့အဖွဲ့အစည်းတစ်ခု နိုင်ငံတစ်နိုင်ငံရဲ့ ယဉ်ကျေးမှုလို့ပြောရင် ဘယ်အရာကို ရွေးပြောမလဲ။ လူမျိုးကြီးရဲ့ ယဉ်ကျေးမှုပဲလား။ လူ့မျိုးစုတွေအားလုံးလား။ အဲ့ဒီလိုခွဲပြောလိုက်တာကလည်း ကိုယ်ပထမသိထားတဲ့ ယဉ်ကျေးမှုအမြင်တွေနဲ့ လိုက်လျောညီထွေမှုဖြစ်ရဲ့လားဆိုတဲ မေးခွန်းပေါင်းမြောက်မြားစွာ ရှိနေတယ်။ ဒီမေးခွန်းတွေဟာ ယဉ်ကျေးမှုဆိုတာ ဘာပါရယ်လို့ မသတ်မှတ်ရသေးခင် ထွက်လာနိုင်သလို ယဉ်ကျေးမှုဆို ဘာဖြစ်ပါတယ်လို့ သတ်မှတ်ပြီး နောက်မှာမှ ထွက်လာနိုင်တယ်။

ကားမာ့ခ်စ်ကတော့ အဓိကအားဖြင့် ယဉ်ကျေးမှုဟာ ဘယ်လိုဖြစ်ထွန်းပေါ်ပေါက်လာတယ်။ ဘယ်လိုလည်ပတ်နေတယ်။ ဘယ်အရာတွေရဲ့ လွှမ်းမိုးချုပ်ကိုင်ထားခြင်းခံရတယ်ဆိုတာကို အိုက်ဒီယိုလိုဂျီရှု့ထောင်ကနေ စဉ်းစားပြီးတွေးတောတယ်။ တနည်းအားဖြင့် ကားမာ့ခ်စ်ရဲ့ ယဉ်ကျေးမှုအမြင်က သူ့ရဲ့အိုက်ဒီယိုလိုဂျီအမြင်အပေါ်ကို အခြေခံပြီး ပေါက်ဖွားလာတာဖြစ်တယ်။ ကျွန်တော်တို့ဟာ တစ်စုံတစ်ရာကို ယဉ်ကျေးမှုလို့သတ်မှတ်လိုက်ရင်ဖြစ်စေ၊ ဒါမှမဟုတ် ယဉ်ကျေးမှုရဲ့ အဓိပ္ပယ်ကိုဖွင့်ဆို လိုက်ရင်ဖြစ်စေ၊ သူနဲ့သက်ဆိုင်တဲ့မေးခွန်းတွေကို ထပ်မံတွေ့ရမှာဖြစ်တယ်။ ကားမာ့ခ်စ်ရဲ့တွေးက ယဉ်ကျေးမှုဆိုတာ လူတွေရဲ့ ဘ၀နေထိုင်မှု လမ်းကြောင်းဖြစ်တယ်လို့ ယေဘုယျသဘောမှတ်ယူထားပြီး အလုပ်လုပ်တယ်။ သူက အိုင်ဒီယိုလော်ဂျီကြောင့် ဘ၀နေထိုင်မှုလမ်းကြောင်း (၀ါ) ယဉ်ကျေးမှုပုံစံတွေဖြစ်လာတာလို့ မြင်တယ်။ ခက်တာက မာ့ခ်စ်ဝါဒနဲ့ ယဉ်ကျေးမှုအကြောင်းကို ပြောရင် ကားလ်မာ့ခ်စ်တစ်ဦးတည်းနဲ့ မပြီးဘူး။ စာမျက်နှာကလေးပေါ်မှာ မာ့ခ်စ်ရေးသားခဲ့တဲ့ စကားလုံးတွေကို အမျိုးမျိုး အနက်ပြန်ထားတဲ့ မာ့ခ်စ်ဝါဒရှု့ထောင့်အမြင်အမျိုးမျိုးရှိနေတယ်။ ကားလ်မာ့ခ်စ်တောင်မှ အစောပိုင်း မာ့ခ်စ်အမြင်နဲ့ နှောင်းပိုင်း မာ့ခ်စ်အမြင်တွေဆိုပြီးရှိသေးတယ်။ လူသားဆန်မှုနဲ့ သိပ္ပံပညာရှု့ထောင်က မာ့ခ်စ်အမြင်၊ ရုပ်ဝါဒဘက်က မာ့ခ်စ်အမြင်၊ အဆောက်အအုံဝါဒဘက်က မာ့ခ်စ်အမြင်၊ လီနင် မာ့ခ်စ်၊ နောက် မော်စီတုန်းမာ့ခ်စ်ဆိုတာမျိုးတွေအများကြီးပဲ။ အိုက်ဒီယိုလော်ဂျီ တွေလည်ပတ်လှုပ်ရှားရင်း ထိန်းချုပ်တည်ဆောက်ရင်း ဘ၀နေထိုင်မှုလမ်းကြောင်းဖြစ်သွားတယ်ဆိုတဲ့ နေရာမှာတောင် မာ့ခ်စ်ဝါဒီတွေ ယေဘုယျလက်ခံကြပေမယ့် အိုင်ဒီယိုလိုဂျီပေါ်ကို ကြည့်မြင်တာချင်း တစ်ဦးနဲ့ တစ်ဦး တစ်ဂိုဏ်နဲ့တစ်ဂိုဏ်ကွဲနေ တယ်လို့ ဆိုလို့ရနိုင်ပါတယ်။ ဒါပေမယ့် မာ့ခ်စ်ဝါဒဟာ ယဉ်ကျေးမှုပေါ်ကို နှံ့စပ်စွာ ရှင်းပြနိုင်တဲ့နေရာမှ ယခင်က လူမှုရေး၊ အဆောက်အအုံနဲ့ ယဉ်ကျေးမှုအမြင်တို့လို မနုဿဗေဒရှု့ထောင့်ကနေ ချဉ်းကပ်ချက်တွေလိုပဲ အများကြီးထည့်ဝင်ခဲ့တယ်လို့ ဆိုရမယ်။
မာ့ခ်စ်ရဲ့ ယဉ်ကျေးမှုအကြောင်းပြောရင် အိုက်ဒီယိုလိုဂျီအကြောင်းကနေပဲစပြီး ဆွဲထုတ်ရမှာပါပဲ။ မာ့ခ်စ်နဲ့ အိန်ဂျယ်တို့ ရေးခဲ့တဲ့ The German Ideology စာအုပ်ဟာ အဆောက်အအုံမာ့ခ်စ်ဝါဒ အော့သူဆာဟ်လူမျိုးကတောင် လူသားဆန်ပြီး ရှု့ထောင့်တစ်ခုတည်း သက်သက်ကနေကြည့်ထားတဲ့ အိုင်ဒီယိုလိုဂျီဆိုင်ရာ စာအုပ်အဖြစ်ညွှန်းဆိုရတဲ့စာအုပ်ပါပဲ။ ဒီစာအုပ်ပေါ်ကို ရုပ်ကြမ်းမာ့စ်ဝါဒီအများစုက လျစ်လျူရှုခဲ့ကြတယ်။ နောက်ပိုင်း အော့သူဆာ့ဟ်တို့လို အဆောက်အအုံမာ့ခ်စ်ဝါဒီ တွေကျမှ အထူးတလည်ထားပြီး ပြန်လည်ဖော်ထုတ် ခဲ့ကြတာဖြစ်ပါတယ်။ တနည်းအားဖြင့် စစ်မှန်သောသိပ္ပံနည်းကျ မာ့ခ်စ်ဝါဒ သဘောကို ပိုမိုထည့်ဝင်ထားတဲ့ စာအုပ်အဖြစ် ညွှန်းကြပါတယ်။ သိမှုပိုင်းဆိုင်ရာ ဖောက်ထွက်မှု Epistemological Otherness ကို ဒီစာအုပ်မှာတွေ့ကြလို့ပဲလို့ ဆိုကြပါတယ်။

မာ့ခ်စ်နဲ့ အိန်ဂျယ်က သူတို့ခေတ်ရဲ့ ဂျာမန်ယဉ်ကျေးမှုနဲ့ ဒဿနတွေကို ဆန့်ကျင်တုန့်ပြန်ကြတယ်။ ဒဿနအတွေးအခေါ် တွေက တကယ့်အရှိတရားတွေကိုဖုံးကွယ်ထားတယ်။ ပြီးရင် အဲ့ဒီဖုံးကွယ်နိုင်ဖို့ရာ ကားလ်မာ့ခ်စ်တို့အခေါ် အိုင်ဒီယိုလိုဂျီဆိုတဲ့ အရာကိုယူပြီး လွှမ်းမိုးပစ်တယ်။ မာ့ခ်စ်ရဲ့ အဆိုအရဆိုရင် အဲ့ဒီအိုင်ဒီယိုလိုဂျီတွေ အကုန်လုံးထဲမှာ လူနဲ့ သူ့ရဲ့ အခြေအနေတွေ ဟာ ကင်မရထဲမှာ ပြန်မြင်သလို ဇောက်ထိုးမိုးမျှော်နဲ့ ပြောင်းပြန် ပြန်မြင်နေရတာမျိုးလို့ ဆိုပါတယ်။ အိုင်ဒီယိုလိုဂျီဆိုတာ တကယ့်အစစ်အမှန်တရားကို ပြောင်းပြန်ဖြစ်သွားစေတဲ့ ကြေးမုံတစ်ချပ်လိုပဲလို့မြင်ပါတယ်။ ဒီလောကကြီးထဲမှာ ပဋိပက္ခတွေ အားလုံးကို လူတွေကျေနပ်သွားအောင်၊ အမှန်တရားလို့ မြင်လာအောင်၊ လွှမ်းမိုးကြီးစိုးတဲ့ လူတန်းစာဟာ သူတို့ကောင်းကျိုးရှိ စေမယ့်အရာကိုသာ အမှန်လို့မြင်လာအောင် သူတို့ရဲ့အိုက်ဒီယိုလိုဂျီက လုပ်ပေးနေတာပဲ။ သူက လိုလားနှစ်သက်ဖွယ်ရာ ပုံသဏ္ဍာန်မျိုးနဲ့ လာတတ်တယ်။ ကိုယ့်ကျင့်တရားလိုလို၊ ဘာသာရေးလိုလို၊ ကျိုးကြောင်းညီညွတ်ပုံပေါ်နေတဲ့ တက္ကိကဗေဒလို တာတက်တယ်လို့ မြင်တာဖြစ်တယ်။ နိုင်ငံရေး၊ စီးပွားရေး၊ လူမှုရေးစတဲ့ကိစ္စတွေအားလုံးထဲမှာ အိုက်ဒီယိုလိုဂျီက အရာအားလုံးကို သာမန်သဘာဝကိစ္စလို့ မြင်လာအောင် လည်ပတ်အလုပ်လုပ်ပေးနေတာလို့ မြင်တယ်။
လူတွေရဲ့ ဘ၀နေထိုင်ပုံလမ်းကြောင်း (၀ါ) ယဉ်ကျေးမှုပုံစံဟာ ဒီလိုအိုက်ဒီယိုလိုဂျီတွေရဲ့ လွှမ်းမိုးချုပ်ကိုင်မှုကို ခံရတယ်။ နောက်တစ်ခုက ထုတ်လုပ်မှုနဲ့ စီးပွားရေးအခြေခံတွေကြောင့်လည်း ယဉ်ကျေးမှုဆိုတာဖြစ်ပေါ်လာသလို ပြောင်းလဲနေတယ်လို့ မြင်တယ်။ မာ့ခ်စ်ရဲ့အဆိုအရဆိုရင် အခြေခံအဆောက်အအုံတို့၊ အပေါ်ထပ်အဆောက်အအုံတို့ ဖက်စပ်မှုကြောင့်လို့လဲ ပြောရင် ဖြစ်နိုင်တယ်။ ဒါကြောင့် ယဉ်ကျေးမှု၊ ဘ၀နေထိုင်မှုလမ်းကြောင်းဆိုတာက အမြဲတမ်းလွှမ်းမိုးကြိုးစိုးဆဲ လူတန်းစားထဲက သူတို့ရဲ့အကျိုးအမြတ်အတွက် ပုံဖော်ထားတာလို့ မြင်ကြည့်လို့ရတယ်။ ယဉ်ကျေးမှုဆိုင်ရာ ကိုယ်စားပြုမှု Culture reprentations တွေရဲ့ နောက်မှာ အဲ့ဒီလို အိုက်ဒီယိုလိုဂျီတွေဟာ လွှမ်းမိုးပို့ချနေတဲ့အခါ လူတွေကလည်း အဲ့ဒီပုံစံထဲမှာ နေရင်း ယဉ်ကျေးမှုဆိုတာမျိုးဖြစ်လာတယ်လို့ ယူဆတယ်။ အဲ့ဒီကနေတဆင့် လူ့အဖွဲ့အစည်းထဲမှာ လူတန်းစား အမျိုးမျိုး၊ အမှန်၊ အမှားအမျိုးမျိုးကို ကိုယ်စားပြုပေးတော့မှာဖြစ်တယ်။ မာ့ခ်စ်ရဲ့ ယဉ်ကျေးမှုအမြင်မှာ ရောယှက်ပေးနေတဲ့ အမြင်တွေထဲမှာ အဓိကအားနည်းချက်က လူတန်းစား Class အပေါ်ကို အသားပေးလွန်းတယ်။ လူတန်းစားကိုလည်း အသေသတ်မှတ်ထား တယ်။ ပြီးတော့ စီးပွားရေးကုန်ထုတ်လုပ်မှုဖြစ်စဉ်ကို အခြေခံအဖြစ်ထားလွန်းတယ်။ ဘယ်လိုပဲဖြစ်ပါစေ မာ့ခ်စ်ဝါဒအမြင်ကနေ ကြည့်တဲ့ ယဉ်ကျေးမှုအမြင်ဟာ ယဉ်ကျေးမှုထဲမှာ အမှန်တကယ် လှုပ်ရှားလည်ပတ်နေတဲ့ အရာတွေ၊ ကိုယ်စားပြုတွေ၊ ယဉ်ကျေးမှုပြောင်းလဲပုံတွေကို လေ့လာနိုင်တဲ့ နည်းလမ်းတစ်ခုပဲလို့ ဆိုလို့ရနိုင်ပါတယ်။
လူဆိုတ လူတွေက ဖန်တီးတည်ဆောက်ထားတဲ့ အတည်ဆောက်ခံလောကရဲ့ ဗဟိုချက်တစ်နေရာမှာပဲ ရပ်တည်ရှင်သန်နေ ရတာပါ။ လူသားက လူ့အဖွဲ့အစည်းထဲ ရှင်သန်လာပြီဆိုတာနဲ့တပြိုင်နက် သူ့စာရင်းက လူတွေတည်ဆောက်ထားတဲ့ ကိုယ်ကျင့် တရားအမြင်တွေ၊ မှန်ခြင်း၊ မှားခြင်း၊ ကောင်းခြင်း၊ ဆိုးခြင်းဆိုတဲ့ အရာတွေကို သင်ယူလိုက်နာရပါတယ်။ သူ့အရင်ကလူတွေ အဲ့ဒီ အရာတွေကို ဘယ်လိုဖန်တီးခဲ့ကြတာလဲ။ အေသင်မြို့ရဲ့ဆုံးဖြတ်ချက်တွေကို တောင်ကုန်းတစ်ခုပေါ်စုဝေပြီး တစ်မြို့လုံးရဲ့ ဆန္ဒကောက်ယူပြီး ဆုံးဖြတ်ခဲ့တာလား။ မဖြစ်နိုင်ပါဘူး။ ဒါမှမဟုတ် တစ်ဦးစ၊ နှစ်ဦးစကနေ သဘောတူညီမှု Agreement လုပ်နေရင်းကနေ အားလုံးဆီ ပျံ့နှံ့သွားပြီး အားလုံးက အလိုလျှောက် လိုက်နာကျင့်သုံးခဲ့ကြတာလား။ ဒါမျိုးက ပိုပြီးတောင် မဖြစ်နိုင်သေးပါဘူး။ ဒါပေမယ့် လူ့အဖွဲ့အစည်းအတွင်းက လူသားတွေရဲ့ ယုံကြည်မှုဟာ အထက်ပါအတိုင်းဖြစ်ပေါ်လာတာလို့ လူတွေထင်လာစေလောက်အောင် လွှမ်းမိုးကြိုးစိုးသူရဲ့ ပြဌာန်းချက်တွေ လုပ်ထားတာပါပဲ။ မာ့ခ်စ်ဝါဒအမြင်နဲ့ ကြည့်ပြီး ပြောရမယ်ဆိုရင် ကျွန်တော်တို့ရဲ့လုပ်ဆောင်မှုတွေ၊ ယဉ်ကျေးမှုဆိုတာတွေဟာ လွှမ်းမိုးကြီးစိုးသူတွေရဲ့ အိုက်ဒီယိုလိုဂျီကြောင့် သာတင်မကဘူး။ သဘာဝတရားအလိုအရ အလိုလိုဖြစ်ပေါ်လာတယ်ထင်အောင်ကို လုပ်နေတာ။ အိုင်ဒီယိုလိုဂျီရဲ့ ပင်ကိုစွမ်းအား ကိုက ဒီလိုဆိုလောက်နိုင်တဲ့သတ္တိထူးရှိနေတယ်လို့ မာ့ခ်စ်ဝါဒီတွေက မြင်ပါတယ်။
ကားမာ့ခ်စ်ပြီးတဲ့နောက် မာ့ခ်စ်ဝါဒလမ်းကြောင်းထဲကနေပြီး ဖြစ်လာတဲ့ လူးကပ်စ် ဂဟွန်ချီ၊ ဂိုးလ်မင်း၊ ဘင်ဂျမင်း၊ ရေမွန်ဝီလျံတို့ရဲ့ ယဉ်ကျေးမှုအမြင်တွေကိုပါပြောဖို့ လိုပါမယ်။ ယဉ်ကျေးမှုကနေ လူတန်းစားအလွှာခွဲခြားသွားပုံအကြောင်းတွေ ပြောတဲ့အခါမှာလည်း မာ့ခ်စ်ဝါဒအမြင်ကိုပဲ အခြေခံရပါမယ်။ ဒါမှမဟုတ် ယဉ်ကျေးမှုဆိုင်ရာ ထုတ်လုပ်မှု Culture Production အကြောင်း၊ အထူးသဖြင့် အော့သူဆာ့ဟ်၊ ဖရင့်ဖကျောင်းတ်ေတို့အကြောင်းပြောတဲ့အခါမှာလည်း မာ့ခ်စ်ဝါဒဆီ လှည့်ရတာပါပဲ။ အခုကားလ်မာ့ခ်စ်နဲ့ အိန်ဂျယ်ပြီးရင် အမြဲလိုလို ပညာရှင်တွေက သူတို့ရဲ့နောက်မှာကပ်ထားတဲ့ လူးကပ်စ်ရဲ့ အမြင်အချို့ကို ပြောရပါ့မယ်။ မာ့ခ်စ်ဝါဒကနေ နောက်ပိုင်းမာ့ခ်စ်ဝါဒ နှောင်းပိုင်းအမြင်တွေအထိ လမ်းကောင်းခွဲကြတဲ့ နိုင်ငံရေး၊ လူမှုရေး၊ ယဉ်ကျေးမှု၊ ရသ၊ စာပေသဘောတရားကျမ်းတွေအားလုံးမှာ မာ့ခ်စ်ဝါဒအမြင်တွေပြီးရင် ဂျော့လူးကပ် ဒါမှမဟုတ် ဖရင့်ဖကျောင်းတော်ကိုပဲ ကောက်ကြောင်းဆွဲပြတာကို တွေ့ရပါမယ်။
လူးကပ်စ်က ဟန်ဂေရီနိုင်ငံသာဖြစ်ပြီး ဟန်ဂေရီနိုင်ငံရေးမှာ တက်ကြွစွာပါဝင်လှုပ်ရှားသူဖြစ်ပေမယ့် သူ့ရဲ့ပညာရေးကတော့ ဂျာမန်မှာ အခြေတည်ဖြစ်ထွန်းလာတာဖြစ်ပါတယ်။ လူးကပ်စ်က ယဉ်ကျေးမှုဆိုတာကို ဘာလို့မပြောတော့ပါဘူး။ သူဟာ မာ့ခ်စ် ၀ါဒလမ်းကြောင်းထဲမှာ ရှင်သန်ကြီးပြင်းလာသူဖြစ်တဲ့အတွက် အိုက်ဒီယိုလိုဂျီနဲ့ စီးပွားရေးကုန်ထုတ်လုပ်မှုဖြစ်စဉ်တွေက ယဉ်ကျေးမှုဆိုင်ရာ ကိုယ်စားပြုမှုတွေကို ထုတ်လုပ်တယ်ဆိုတာကို လက်ခံပြီးသားပါ။ ဒါကြောင့် လူးကစ်နဲ့ ယဉ်ကျေးမှုပတ်သက် သမျှဟာ အဓိကအားဖြင့် စာပေသဘောတရားကို အခြေခံနေတယ်လို့ဆိုရလို့ရပါ့မယ်။ စာပေအနုပညာကို စိစစ်ဖို့ကြိုးစားတာဟာ ယဉ်ကျေးမှုတွေ လညပတ်အလုပ်လုပ်ပုံနဲ့ ထိတွေ့နေတာပါပဲ။ စာပေဆိုတာကို သူတို့ဟာ ယဉ်ကျေးမှုထုတ်ကုန်အဖြစ်မြင် ထားတာပဲ။ လူးကပ်စ်ရဲ့အမြင်က အနုပညာ၊ နိုင်ငံရေးနဲ့ ယဉ်ကျေးမှုဆိုတာ လုံးဝခွဲခြားလို့မရလောက်အောင် တသားတည်းဖြစ် နေတာလို့ ယူဆပါတယ်။
ရသကိုခံစားတက်တဲ့စိတ်ဟာ ယဉ်ကျေးမှုနဲ့အများကြီးဆက်စပ်နေတယ်။ အနုပညာနဲ့ ဒဿနမှာတွေ့ရတဲ့ သရုပ်မှန်ဝါဒဆိုတာ လောကကြီးနဲ့ ပတ်သက်တဲ့အမြင် သင်္ကေတမျိုးမဟုတ်ဘူး။ သဘောက သရုပ်မှန်ဝါဒဆိုတာ လောကကြီးနဲ့ပတ်သက်တဲ့ လောကအမြင်တစ်ခုကို ရှု့ထောင်တစ်ခုခုက ဆန်းသစ်ပြီး ပြောပြနေတာမဟုတ်ဘူး။ သရုပ်မှန်ဝါဒဆိုတာ သူ့ကိုယ်၌က လောကကြီးနဲ့ တသားတည်းကျအောင် ခြယ်မှုန်းပြနေတဲ့ အမြင်မျိုးပဲ။ ဒါကိုတော့ လူးကပ်စ်ရဲ့ အသုံးမှာ ထင်ဟပ်ပေါ်လွင်နေ တယ်။ တနည်းအားဖြင့် လောကကြီးကို ထင်ဟပ်ပြ Reflect တယ်လို့သုံးပါတယ်။ တကယ်က ထင်ဟပ်ပြသတယ်ဆိုတဲ့နေရာ မှာတော့ လောကကြီးကနေ ကင်းလာပါပြီ။ ထင်ဟပ်ပြသနေတာမဟုတ်သလို ရှု့ထောင့်တစ်ခုခုကနေပြီး ထင်ဟပ်ပြနေတာ လည်းမဟုတ်ပါဘူး။ သူကိုယ်၌က လောက်ကြီးနဲ့ တသားတည်းကျပြီး ခြယ်မှုန်းပြနေတဲ့သဘောရှိနေပါတယ်။ လောကကြီး ထဲမှာက ယဉ်ကျေးမှုဆိုင်ရာ ကိုယ်စားပြုမှုတွေ လွှမ်းမိုးမှုတွေနဲ့ အရာရာအားလုံးကို ပုံဖျက် Distortion လုပ်ထားတယ်။ သရုပ်မှန်ဝါဒရဲ့ အလုပ်က လူသားတွေဟာ သဘာဝအရင်းခံကို မြင်လာအောင်လုပ်တာပါ။ ဒါကြောင့်လည်း လူးကပ်စ်က သရုပ်မှန်ဝါဒဟာ လူအများစုကြားထဲမှာ တညီတညွတ်တည်း သတ်မှတ်ထားတဲ့ဟန်တစ်ခုမဟုတ်ဘူးလို့ ဆိုတာပါ။ သူက ဒီအယူအဆတွေကိုင်စွဲပြီး မော်ဒန်စာပေကို အတ္တအဓိက၀ါဒအဖြစ်ထိုးနှက်တာပါ။ သူ့အမြင်မှာ အရေးပါတာက နိုင်ငံရေး၊ စီးပွားရေး၊ လူမှုရေးနဲ့ သမိုင်းဆိုင်ရာ အခြေအနေတွေပေါင်းစုစည်းမှုထဲမှာ လူသားရဲ့ တကယ့်အခြေအနေမှန်ကို သိဖို့လိုတယ်လို့ မြင်တဲ့အချက်ဖြစ်ပါတယ်။ ဒီလိုပေါင်းစုစည်းမှုထဲက လူမှုဆက်သွယ်ရေးပုံစံတွေ Social Relation ဟာ လူးကပ်စပ်ရဲ့ ယဉ်ကျေးမှုအမြင်လို့ ဆိုရမှာဖြစ်ပါတယ်။
မင်းခက်ရဲ
http://apmyat.com/

Read More...

Collapse...